Xüsusi Penitensiar Xidmət Mzia Amağlobeli ilə bağlı bəyanat yayır.

Bəyanatda qeyd edildiyi kimi, Xüsusi Penitensiar Xidmət guya təqsirləndirilən M.A-nın sağlamlıq vəziyyətinin təhlükədə olması və Penitensiar Xidmətin onun səhhətinin qayğısına qalmaması ilə bağlı ayrı-ayrı siyasi qruplar və media vasitələri tərəfindən yayılan böhtan xarakterli məlumata münasibət bildirir.

“İctimaiyyətə izah etmək istərdik ki, təqsirləndirilən M.A. onun sağlamlıq vəziyyətinə uyğun tibbi xidmətlə təmin edilib və ona qanunvericiliklə müəyyən edilmiş bütün zəruri tibbi xidmətlər davamlı olaraq göstərilir.

Təqsirləndirilən M.A. tibb işçilərinin daimi nəzarəti altındadır. Bundan əlavə, təqsirləndirilən şəxs onun maraqları naminə dərhal reaksiya verilməsi üçün videomüşahidə sistemi ilə təchiz olunmuş kameraya yerləşdirilib.

Təqsirləndirilən şəxsin yaşayış şəraiti Penitensiar Məcəllə ilə müəyyən edilmiş standartlara tam uyğundur.

Qeyd edilməlidir ki, hər bir təqsirləndirilən/məhkum edilmiş şəxsin təhlükəsizliyinin və sağlamlığının qorunması xidmətimiz üçün prioritetdir.

Biz ayrı-ayrı siyasi qrupları və media vasitələrini xidməti gözdən salmaq və ictimaiyyəti çaşdırmaq məqsədi daşıyan yoxlanılmamış və yalan məlumat yaymaqdan çəkinməyə çağırırıq” – bəyanatda qeyd olunub.