Rusiya qüvvələrinin Xarkov şəhərinə hücumu nəticəsində üç rayonda 30 000 abonentə elektrik enerjisinin verilməsi dayandırılıb. Xarkov vilayətinin qubernatoru Oleh Sinehubbovun sözlərinə görə, Rusiya qüvvələri idarə olunan bombalardan istifadə edərək şəhərin cənub-şərqindəki Nemışlyanski və Slobidski rayonlarına, həmçinin şimaldakı Şevçenkovski rayonuna hücum edib.

Bununla yanaşı, şəhər meri İhor Terehov yerli televiziya ilə müsahibəsində bildirib ki, üç bomba xəstəxanaya və elektrik ötürmə xətlərinə zərər yetirib. Onun sözlərinə görə, hücum nəticəsində dörd nəfər yaralanıb.

“Reuters”in yazdığına görə, son həftələrdə Rusiya qüvvələri Ukraynanın elektrik şəbəkəsi və təbii qaz sənayesi ilə əlaqəli obyektlərə hücumlarını artırıb. Bu hücumların məqsədi, qışın yaxınlaşması ilə, ölkənin təbii resursların tədarük zəncirinə zərər vurmaqdır.