Xarici media – Fransa öz qüvvələrini Ukraynaya potensial yerləşdirməyə hazırlıq məqsədilə gizli hərbi təlim keçirib

 
Fransa öz qüvvələrini Ukraynaya potensial yerləşdirməyə hazırlıq məqsədilə gizli hərbi təlim keçirib. Bu haqda xarici media xəbər verir.

Medianın yazdığı kimi, Persée adlanan təlimlər on gün davam edib və 2024-cü ilin payızında Fransadakı poliqonlardan birində keçirilib. Təlimdə Xüsusi Təyinatlı Quru Qoşunlarından (CAST) 3200-ə yaxın hərbçi iştirak edib.

Xarici medianın məlumatına əsasən, təlim zamanı rus qoşunlarının Belarus ərazisindən Ukraynaya potensial müdaxiləsi ssenarisi işlənib. Həmçinin, nəşrin yazdığı kimi, təlimin əsas məqsədi hərbçilərə pilotsuz uçuş aparatlarından və radioelektron müharibə vasitələrindən istifadəni öyrətmək olub.

Qeyd edilməlidir ki, avropalı sülhməramlılarının Ukraynaya göndərilməsi məsələsi Emmanuel Makronun dekabrın 7-də Parisdə ABŞ-ın seçilmiş prezidenti Donald Tramp və Ukraynanın Prezidenti Volodimir Zelenski ilə görüşündən sonra getdikcə aktuallaşıb.