Xaraqauli rayonunda, Qarnəbas çayının dərəsində torpaq sürüşməsi nəticəsində yaranmış gölməçələrin ləğvi və çay məcrasının açılması məqsədilə aktiv təmizləmə işləri gedir. Bu barədə məlumatı Xaraqauli Bələdiyyəsi yayıb.

Bələdiyyənin məlumatına görə, görülən işlərlə Xaraqauli meri Koba Lursmanişvili tanış olub.

Onun sözlərinə görə, prosesin idarə olunmasına bütün dövlət qurumları fəal şəkildə qoşulub.

“Hazırda çökmüş kütlənin aşağı salınması gedir. Torpaq kütləsi elə şəkildə paylanır ki, suyun səviyyəsi qalxanda əlavə risklərin yaranmasının qarşısı alına bilsin. Dəmir Yolu Departamenti artıq Qarnəbas çayının məcrasını təmizləyib, ərazidə Avtomobil Yolları Departamentinin podratçı şirkətinin texnikası işləyir. Bununla yanaşı, xilasedici xidmət ərazidə daimi rejimdə monitorinq aparır, prosesə patrul polisi və bələdiyyənin nümayəndələri də fəal qoşulublar. Mən bütün dövlət qurumlarına təşəkkürümü bildirirəm”, – deyə Koba Lursmanişvili qeyd edib.

Torpaq sürüşməsi baş verən zonada işlər mütəxəssislərin tövsiyələri nəzərə alınmaqla həyata keçirilir ki, risklər minimuma endirilsin və əhalinin təhlükəsizliyi təmin olunsun.