Xalq Müdafiəçisinin Aparatı – Nümayəndəmiz təqsirləndirilən Davit Peikrişvilinin görüşməkdən imtina etdiyi №8 cəzaçəkmə müəssisəsində olub
Gürcüstanın xalq müdafiəçisi guya Xalq Müdafiəçisinin Aparatının məhbusa qarşı ehtimal edilən zorakılıq faktı ilə bağlı qaynar xəttə daxil olmuş bildirişə gecikmə ilə reaksiya verməsi ilə bağlı mediada yayılan məlumata münasibət bildirir – bu barədə Xalq Müdafiəçisinin Aparatının bəyanatında deyilir.
Xalq müdafiəçisi qeyd olunan məlumatı təkzib edir və bəyan edir ki, yayılan xəbərlər həqiqətə uyğun deyil və Xalq Müdafiəçisinin Aparatı tərəfindən verilmiş reaksiya barədə dezinformasiyadır.
“2026-cı ilin oktyabrın 19-da, saat 16:31-də Gürcüstanın xalq müdafiəçisinin qaynar xəttinə təqsirləndirilən Davit Peikrişviliyə qarşı №8 cəzaçəkmə müəssisəsində ehtimal edilən qeyri-insani rəftar barədə bildiriş və onun ziyarət edilməsi xahişi daxil olub. Maraqlı şəxsə izah edilib ki, məlumat səlahiyyətli departamentə veriləcək, məhbus isə ən qısa müddətdə ziyarət ediləcək. Elə həmin gün Gürcüstanın xalq müdafiəçisinin nümayəndəsi təqsirləndirilən Davit Peikrişvilinin görüşməkdən imtina etdiyi №8 cəzaçəkmə müəssisəsində olub. Qeyd olunan hal təqsirləndirilən şəxsin imzası ilə təsdiqlənmiş müvafiq protokolla təsdiqlənib. Xalq müdafiəçisi media vasitələrini bir daha yalnız Xalq Müdafiəçisinin Aparatı ilə dəqiqləşdirilmiş məlumatı yaymağa çağırır” – bəyanatda deyilir.