Xalq müdafiəçisi: Məhkum Giorgi Davitadzenin tərəfini Xalq müdafiəçisinin nümayəndələrini gözdən salmaq məqsədilə yalan məlumatların yayılmasını dərhal dayandırmağa çağırırıq

Xalq müdafiəçisi: Məhkum Giorgi Davitadzenin tərəfini nümayəndələrimizi gözdən salmaq məqsədilə yalan məlumatlar yaymağı dərhal dayandırmağa çağırırıq

Xalq müdafiəçisi məhkum Giorgi Davitadzenin tərəfinin media vasitəsilə yaydığı məlumatlara münasibət bildirib və həmin tərəfi Xalq müdafiəçisinin səlahiyyətli nümayəndələrini gözdən salmaq məqsədilə yalan məlumatların yayılmasını dərhal dayandırmağa çağırıb.

Xalq müdafiəçisinin yaydığı bəyanatda qeyd olunur ki, məhkumun vəkilinin yaydığı, guya Xalq müdafiəçisinin nümayəndəsinin məhkuma ekspertiza keçirilməsinin məqsədəuyğun olmadığı barədə məsləhət verdiyi haqda məlumat həqiqətə uyğun deyil.

“Giorgi Davitadzenin özünün imzası ilə təsdiqlənmiş sənəd bu faktı sənədlə sübut edir. Həmin sənədə əsasən, Giorgi Davitadze ekspertizanın keçirilməsi məsələsi ilə bağlı vəkili ilə məsləhətləşəcəyini bildirib.

Dəfələrlə izah edildiyi kimi, Xalq müdafiəçisi Aparatı öz mandatı çərçivəsində Giorgi Davitadzenin hüquqlarının müdafiəsi üçün bütün zəruri tədbirləri həyata keçirib. Aparatın müraciəti əsasında Baş Prokurorluqda istintaq başlanıb və istintaq prosesinin monitorinqi bu günədək davam edir.

Xalq müdafiəçisinin səlahiyyətli nümayəndələrinə təsir göstərmək cəhdlərinin istənilən forması narahatlıq doğurur və nə konkret məhbusun, nə də digər məhbusların qanuni hüquqlarının müdafiəsi maraqlarına xidmət edir”, – deyə Xalq müdafiəçisinin bəyanatında bildirilir.