Mülki Aviasiya Agentliyi “Wizz Air” aviaşirkətinə yeni marşrut üzrə müntəzəm reyslər həyata keçirmək üçün lazımi icazə verib. Nəticədə Gürcüstan İtaliyanın Venesiya şəhəri ilə hava yolu ilə birləşəcək.

Venesiya–Kutaisi–Venesiya hava xətti üzrə aviaşirkət uçuşları qış naviqasiya mövsümündən etibarən yerinə yetirəcək. Agentliyə təqdim olunmuş müraciətə əsasən, “Wizz Air” Venesiyadan Kutaisi istiqamətində uçuşları cari ilin dekabrın 2-dən, həftədə iki reys tezliyi ilə, hər çərşənbə axşamı və şənbə günləri həyata keçirəcək.

Bu günə olan vəziyyətə əsasən, aşağıbüdcəli “Wizz Air” aviaşirkəti Gürcüstandan 23 istiqamət üzrə, həftədə təxminən 72 reys tezliyi ilə uçuşlar həyata keçirir. Cari ilin doqquz ayına olan vəziyyətə əsasən, şirkət 1 075 585 sərnişin daşıyıb və bu göstərici ilə aviasiya bazarında liderdir.