“Washington Post” – Trampın administrasiyası ölkəyə daxil olmaq üçün bütün xarici turistlərdən son beş ilin sosial media tarixçəsini təqdim etmələrini tələb etməyi planlaşdırır

Donald Trampın administrasiyası ölkəyə daxil olmaq üçün bütün xarici turistlərdən son beş il ərzində istifadə olunmuş sosial media tarixçəsini təqdim etmələrini tələb etməyi planlaşdırır – bu haqda “Washington Post” yazır.

Nəşrin xəbər verdiyi kimi, bu, ölkəyə daxil olmaq üçün vizaya ehtiyac olub-olmamasından asılı olmayaraq, ABŞ-a ilk dəfə səfər edənlər üçün məcburi olacaq.

“Washington Post” qeyd edir ki, Böyük Britaniya və Almaniya vətəndaşlarının ABŞ-a daxil olmaq üçün vizaya ehtiyacı olmayan ölkələr arasındadır, yeni qayda isə bu ölkələrdən ABŞ-a səyahət etmək istəyənlər üçün əlavə maneə yarada bilər.