“Wall Street Journal” – İran daha güclü döyüş başlıqları və digər silahları əhatə edən, İsrailin hücumuna kompleks cavab planlaşdırdığına dair diplomatik mesaj göndərir

 
İran daha güclü döyüş başlıqları və digər silahları əhatə edən, İsrailin hücumuna kompleks cavab planlaşdırdığına dair diplomatik mesaj göndərir – bu haqda məlumatı “Wall Street Journal” yayır.

Nəşrə əsasən, İran ərəb diplomatlarına bildirib ki, İsrailin hücumu nəticəsində 4 əsgər və bir mülki şəxs həlak olduğu üçün onun ordusu əməliyyata cəlb olunacaq.

Məqaləyə əsasən, İranın nizami ordusunun cəlb olunması onun qoşunlarının yerləşdiriləcəyi demək deyil, lakin adətən İsrailin təhlükəsizlik məsələləri ilə məşğul olan “İslam İnqilabı Keşikçiləri Korpusu” bu halda təkbaşına hərəkət etməyəcək.

Eyni zamanda, Misirin rəsmi nümayəndəsi, İranın Misirə “güclü və kompleks” cavab barədə məlumat verdiyini deyib. İranlı hökumət nümayəndəsi bildirib ki, İran ola bilsin əməliyyatın bir hissəsi kimi İraq ərazisindən istifadə etsin və ehtimal ki, İsrailin hərbi obyektləri hədəf olacaq, “lakin keçən dəfəkindən daha aqressiv”. İslam İnqilabı Keşikçiləri Korpusunun (SEPAH) komandir müavini, briqada generalı Ali Fadavi İsrailə hücumun mütləq həyata keçiriləcəyini bildirib.