“Wall Street Journal” – Donald Tramp Volodimir Zelenskiyə münasibətdə nikbin əhvali-ruhiyyədədir, lakin Trampın bu əhvali-ruhiyyəsinin qorunub saxlanılacağı sual altındadır

ABŞ Prezidenti Donald Tramp son həftələr ərzində Ukraynaya və onun lideri Volodimir Zelenskiyə münasibətdə nikbin əhvali-ruhiyyədədir – bu barədə “Wall Street Journal” mənbələrə istinadən yazır.

Nəşrə mənbələrin dediyi kimi, Volodimir Zelenskinin qətiyyəti Trampda təəssürat yaradıb. Mənbələrin məlumatına əsasən, bu dəyişiklik Ukrayna Prezidentinin Trampın rəğbətini qazanmağa çalışdığı bir neçə sammitdə keçirilən görüşlərdən sonra baş verib.

“Wall Street Journal”ın yazdığı kimi, bu, ikitərəfli əlaqələrin yaxşılaşdırılmasını hədəfləyən Avropa liderlərinin razılaşdırılmış kampaniyasının bir hissəsidir.

Bununla yanaşı, nəşr Ukraynanın pilotsuz uçuş aparatları sənayesinin də Donald Trampın xoşuna gəlməsi haqda məlumat verir. Xüsusilə də, ABŞ-nin İranla müharibədə qarşılaşdığı dronlardan onların özlərini necə qorumaları.

ABŞ Prezident Administrasiyasının yüksək vəzifəli nümayəndəsi, Trampın qalibləri sevdiyini, onun fikrincə isə Zelenskinin bu meyara getdikcə daha çox cavab verdiyini bildirib.

Nəşr qeyd edir ki, Trampın Zelenskiyə münasibətdə yeni əhvali-ruhiyyəsinin qorunub saxlanılacağı sual altındadır.

ABŞ Prezidentinə yaxın olan şəxslər “Wall Street Journal”a onun baxışlarının hərdən tez dəyişdiyini deyiblər.

Nəşrin daha bir mənbəsi qeyd edib ki, ilk vaxtlar ABŞ Prezidenti Rusiya qoşunlarının Ukraynanı məğlub edə biləcəyini hesab edirdi, lakin indi Tramp Putinə daha az rəğbət bəsləyir.