ABŞ Prezidenti rusiyalı həmkarı ilə danışdıqdan sonra avropalı liderlərə deyib ki, Vladimer Putin müharibəni bitirməyə hazır deyil.

Bu barədə “Wall Street Journal” mənbələrə istinadən yazır.

Mənbələrin dedikləri kimi, Vladimer Putinlə telefon danışığından sonra Donald Tramp avropalı liderlərə deyib ki, Kremlin rəhbəri Ukraynada müharibəni bitirməyə hazır deyil, çünki qalib gəldiyini hesab edir.

Məqalədə deyildiyi kimi, Ukrayna Prezidenti Volodimir Zelenski, Fransa Prezidenti Emmanuel Makron, Almaniyanın kansleri Fridrix Merts, İtaliyanın Baş naziri Corcia Meloni və Avropa Komissiyasının prezidenti Ursula fon der Laien telefon danışığında iştirak ediblər.

Vladimer Putinlə telefon danışığından əvvəl Donald Tramp Rusiyaya qarşı sanksiyalar tətbiq etməyə hazır olduğunu deyirdi, lakin “Wall Street Journal” yazır ki, söhbətdən sonra Donald Tramp fikrini dəyişib, lakin sürətli inkişaf istədiyini deyib.

Mənbələrin dedikləri kimi, yeni sanksiyaların tətbiqinə Donald Trampı inandırmaq hələ mümkün olmasa da, avropalı liderlər gördülər ki, Ukraynaya gələcək dəstəyin əsas rolu onlara keçir. Eyni zamanda, onlar Donald Trampın Ukraynaya silah ixracını dayandıracağını düşünmürlər, ən azı Avropa və ya Ukrayna bunun üçün ödəyənə qədər.