Volodimir Zelenski – Vladimir Putinlə görüşün qış gəlməmiş təşkil edilməsi vacibdir, görüşmək üçün bizə üçüncü ölkə lazımdır, düşünürəm ki, bu, ABŞ ola bilər

Ukrayna Prezidenti Volodimir Zelenskinin bəyanatına əsasən, Böyük Yeddilikdə hər kəs Rusiyanın qalib gəlmədiyini başa düşür.

Zelenskinin qeyd etdiyi kimi, Trampla söhbəti zamanı qaldırdığı məsələlərdən biri antiballistik raketlərin istehsalı üçün zəruri olan lisenziyaların alınması olub. Onun sözlərinə əsasən, sammitin digər iştirakçıları ilə Ukraynanın ehtiyaclarını, o cümlədən əlavə sayda hava hücumundan müdafiə sistemlərinin zəruriliyini müzakirə ediblər.

“Hamı çox yaxşı başa düşür ki, Rusiya qalib gəlmir və biz müharibəyə son qoyulmasına nail olmalıyıq” – Zelenski bildirib.

Ukrayna Prezidenti həmçinin qeyd edib ki, qış gəlməmiş Rusiya Prezidenti ilə görüşmək istəyir.

“Mən bilirəm ki, Putin müxtəlif liderlərin yanında çoxlu təkliflər irəli sürüb. Moskvaya getməyimi nəzərdə tuturam. Lakin biz belə oyunlarda iştirak etmirik. Ona görə də bizə Rusiya və Ukrayna deyil, üçüncü bir ölkə lazımdır. Niyəsi bəllidir. Bu, İsveçrə, Türkiyə və ya Yaxın Şərq ölkələri ola bilər. Bu, ABŞ ola bilər. Lakin mən bu görüşü təşkil etmək və ya etməmək üçün ABŞ Prezidenti deyiləm. Hərçənd, düşünürəm ki, ABŞ belə bir ölkə ola bilər. Onların artıq ABŞ-da, Alyaskada görüşü olub. Bu, qış gəlməmiş baş verməlidir. Görüşün qış düşməzdən əvvəl təşkil olunması çox vacibdir. Ötən qış bizim üçün dəhşətli keçdi və biz eyni şeyləri yenidən yaşamaq istəmirik. Rusiya bilməlidir ki, onlar üçün də qış asan olmayacaq. Beləliklə, mənim təklifim dialoqdur” — Zelenski bildirib.