Ukraynanın Prezidenti Volodimir Zelenski bildirib ki, Macarıstanın Baş naziri Viktor Orban Ukrayna mövzusunu parlament seçkiləri öncəsi şəxsi üstünlük əldə etmək məqsədilə istifadə edir.

“Təəssüf ki, Viktorin siyasəti Ukraynanın və Avropanın əleyhinə yönəlib. O, bunu öz daxili siyasətində istifadə edir. O istəyir ki, Ukraynadakı müharibəni öz seçki maraqları üçün istifadə etsin. Bu vicdansız yanaşmadır,” – deyə Zelenski vurğulayıb.

Zelenskinin sözlərinə görə, Orban “tarixi səhv” edir və anlamır ki, onun bu siyasəti “daha ciddi və təhlükəli nəticələrə gətirib çıxara bilər.”

“Mən gülümsəyə və qucaqlaşa bilmərəm, əgər görürəm ki, gerçəklik nədir, çünki reallıq siyasətdən fərqli olmamalıdır. Əgər səmimi münasibətə hazırsansa, biz birgə çərçivə taparıq, amma belə – mənim obrazımdan öz seçkilərin üçün istifadə etmək? Mən buna razılıq verməmişəm. Mən başqa bir ölkənin prezidentiyəm,” – deyə Zelenski qeyd edib.