Ukraynaya heç vaxt müharibə istəməyib, biz qeyd-şərtsiz atəşkəsə razılaşdıq, müharibə isə yalnız ona görə davam edir ki, Moskva onun bitməsini istəmir, – bunu Ukrayna Prezidenti Volodimir Zelenski yazıb.

“Ukraynaya heç vaxt müharibə istəməyib, biz qeyd-şərtsiz atəşkəsə razılaşdıq, sülh imkanlarını axtarırdıq və dəfələrlə dünyaya zərbələrin havada, quruda və dənizdə dayandırılması yollarını təklif etmişik. Lakin bu prosesi daim pozan elə Rusiyadır – o, manipulyasiya edir, danışıqları uzadır, xalqımızı hava zərbələri ilə qorxudur və cəbhə xəttində hücumlarını gücləndirir. Müharibə yalnız ona görə davam edir ki, Moskva onun bitməsini istəmir,” – Zelenski yazıb.

Ukrayna Prezidentinin sözlərinə görə, təkcə bu həftə Rusiya Ukraynaya qarşı 3 270 dron, 1370 bomba və 50 müxtəlif tipli raketdən istifadə edib.

“Demək olar ki, hər gün rus terrorçular ölkəmizin mühüm və mülki infrastrukturuna yüzlərlə hücum həyata keçirirlər. Biz daim müdafiəmizi gücləndiririk və tərəfdaşlarla hava hücumundan müdafiəni artırmaq üçün əməkdaşlıq edirik: PURL təşəbbüsü, Ukrayna müdafiə sənayesinə sərmayələr, ikitərəfli və çoxtərəfli formatlar. Putini sözlərlə dayandırmaq olmaz – təzyiq lazımdır. Dünya görür ki, Rusiya yalnız gücə reaksiya verir, bu isə o deməkdir ki, sülh güc vasitəsilə işləyə bilər. ABŞ, Avropa, G20 və G7 üzv ölkələri tərəfindən həlledici addımlar atılmalıdır. İnsan həyatı qorunmalıdır. Bu səylərdə bizə kömək edən hər kəsə təşəkkürümü bildirirəm,” – Zelenski yazıb.