Volodimir Zelenski Ukraynanın Rusiyanın Kirov şəhərində yerləşən və hərbi-sənaye kompleksi üçün çalışan müəssisəyə zərbə endirdiyini, neft obyektinin də hücumun hədəfi olduğunu bildirir

Ukrayna Prezidenti Volodimir Zelenskinin bəyanatına əsasən, Ukraynanın Müdafiə Qüvvələri Rusiyada Kirov şəhərində yerləşən və Rusiyanın hərbi-sənaye kompleksi üçün çalışan müəssisəyə zərbə endirib.

Zelenski bildirib ki, hücumun hədəfi Ukraynadan təxminən 1 350 kilometr aralıda yerləşən neft obyekti də olub.

“Bu müəssisə işğalçıların aviasiya və o cümlədən, şəhərlərimizə və yaşayış məntəqələrimizə qarşı kütləvi zərbələr zamanı istifadə olunan raket texnikası üçün komponentlər istehsal edir” – Volodimir Zelenski qeyd edib.

Ukrayna Prezidenti, Rusiyanın logistikasına zərbələr endirmək üzrə əməliyyatın davam etdiyini bildirib. Onun sözlərinə əsasən, söhbət Rusiya ordusunu dronlar üçün lazım olan komponentlər, naviqasiya və hərbi avadanlıqla təmin edən logistik şəbəkədən gedir.

Zelenski bu əməliyyatlarda iştirak edən Ukrayna Silahlı Qüvvələrinin bölmələrinə, kəşfiyyata və Ukrayna Təhlükəsizlik Xidmətinə “dəqiqlik və ədalətli cavab üçün” təşəkkür edib.

Məlumat üçün bildirək ki, bundan əvvəl Rusiya mediasında Kirova raket hücumu nəticəsində 6 nəfərin həlak olması və 32 nəfərin yaralanması barədə məlumat yayılmışdı. Vilayətin qubernatorunun qeyd etdiyi kimi, hakimiyyət həlak olanların ailələrinə yardım edəcək.