Volodimir Zelenski – Ukraynanın Müdafiə Qüvvələri Rusiyanın Ufadakı neft emalı zavoduna, Penza vilayətindəki hərbi-sənaye kompleksi obyektinə zərbə endirib, bu, tamamilə ədalətli cavabdır

Ukraynanın Müdafiə Qüvvələri Rusiyanın cəbhə xəttindən 1300 kilometrdən çox məsafədə yerləşən Ufa şəhərindəki ən böyük neft emalı zavodlarından birinə zərbə endirib – bu barədə Ukrayna Prezidenti Volodimir Zelenski bildirib.

Onun sözlərinə əsasən, hücumun hədəfi həmçinin Penza vilayətində yerləşən Rusiyanın hərbi-sənaye kompleksinin obyekti olub və cəbhə xəttindən bu hədəfədək məsafə təxminən 600 kilometrdir.

“Bu, Rusiyanın bizə qarşı etdiyi hər şeyə tamamilə ədalətli bir cavabdır. Sülh lazımdır və Rusiya rəhbərliyi məhz bunu dərk etməlidir. Rusiya müharibəni bitirməlidir. Rusiya rəhbərliyinin bunun üçün hər cür imkanı var” – Zelenski qeyd edib.