Ukrayna Prezidenti Volodimir Zelenskinin bəyanatına əsasən, Ukrayna və ABŞ işçi qruplarının nümayəndələri həftənin sonunda görüşəcəklər və Rusiya ilə danışıqlar məsələsini müzakirə edəcəklər.

“Bu mövzunu davam etdirmək, Rusiya tərəfi ilə mümkün görüşə hazırlıq işlərini inkişaf etdirmək üçün bu gün ABŞ-nin xüsusi nümayəndəsi Kit Kelloqi ilə görüş keçiriləcək. Həftənin sonunda Ukrayna və Amerika tərəflərinin işçi qruplarının görüşü keçiriləcək” – Zelenski bildirib.

Məlumat üçün bildirək ki, Vaşinqtonda avropalı liderlər ilə keçirilən danışıqlar nəticəsində ABŞ Prezidenti Donald Tramp növbəti addımın Ukrayna və Rusiya prezidentlərinin görüşünün olduğunu bildirib. Kremldə danışıqların səviyyəsini artırmağa hazır olduqlarını bildiriblər, lakin Vladimer Putin və Zelenskinin görüşünə birbaşa razılaşmadılar.