Ukrayna müdafiə olunmasa, hücumlar davam edəcək – bu haqda Volodimir Zelenski deyir.

Ukrayna Prezidenti qeyd edib ki, Rusiya sonuncu genişmiqyaslı zərbəsi ilə “tamamilə aydın mesaj” göndərir və Ukrayna ballistik və digər növ raketlərdən qorunmasa, hücumlar davam edəcək.

Zelenski tərəfdaşlardan “effektiv cavab” və Ukraynaya gücləndirilmiş dəstək gözlədiyini bildirib. Ukrayna Prezidenti qeyd edib ki, cavab həm Avropanın öz müdafiə sistemlərini inkişaf etdirməsini, həm də əlavə hava hücumundan müdafiə silahlarının tədarükünü əhatə etməlidir. O bildirib ki, Ukraynanın hava müdafiəsi üçün kritik əhəmiyyət kəsb edən “Patriot” raketlərinin tədarükündə ABŞ-nin yardımı xüsusilə vacibdir.

“Patriot” sistemləri üçün raketlərin tədarükündə Amerika Birləşmiş Ştatlarının köməyinə təcili ehtiyacımız var” – Zelenski bildirib.

O, bu məsələ ilə bağlı qərbli tərəfdaşlarla daim aktiv təmasda olduğunu deyib.