Volodimir Zelenski – Ukrayna Donbası güzəştə getsə, Rusiya Dnepr və Pavloqrada hücum edəcək

14:31, 22.10.2026

 

Ukrayna Donbası güzəştə getsə, Rusiya Dnepr və Pavloqrada hücum edəcək – bu barədə Ukrayna Prezidenti Volodimir Zelenski açıqlayıb.

Ukrayna Prezidenti, müharibəni bitirmək üçün Rusiyanın yenə də Ukraynadan Donetsk vilayətinin əsas şəhərlərini – Slavyansk, Kramatorsk və Drujkovkanı təhvil verməyi tələb etdiyini bildirib.

“Bu, birbaşa Dnepropetrovsk vilayətinə – Pavloqrada, Dneprə aparır. Bunlar həyati əhəmiyyətli mərkəzlərdir. Krivoy Roq mənim doğma şəhərimdir, Nikopol isə sənaye, mühəndislik və istehsalat mərkəzidir; bu, ölkəmizin iqtisadi nüvəsidir” – Zelenski açıqlayıb.

Ukrayna Prezidentinin sözlərinə əsasən, Donetsk vilayətinin nəzarətdə olan hissəsini Rusiyaya vermək Ukrayna üçün təhlükəlidir, çünki orada Ukrayna Silahlı Qüvvələrinin möhkəmləndirilmiş müdafiə xətti yerləşir.

“Bu şəhərləri versək, risk böyük olacaq. Əgər o, daha irəli getmək istəsə, irəliləyəcəyi təqdirdə çox sayda şəhərlərimizi işğal edə bilər. Risk realdır. Heç kim heç nəyə zəmanət vermir” – Zelenski qeyd edib.

Oxşar