Donald Trampla görüş zamanı Amerikanın hava hücumundan müdafiə sistemlərinin alınmasını müzakirə etdik, Ukrayna Amerikanın hava hücumundan müdafiə sistemlərini almağa hazırdır, Avropa da kömək edə bilər, dronların birlikdə istehsalı potensialını müzakirə etdik – bu barədə Ukrayna Prezidenti Volodimir Zelenski yazır.

“ABŞ Prezidenti ilə Haaqada yaxşı görüşüm oldu. Prezident Trampı Yaxın Şərqdə uğurlu əməliyyat münasibəti ilə təbrik etdim. ABŞ-nin hərəkətlərinin onların təkcə nüvə proqramını deyil, həm də dronların istehsalı imkanlarını da zəiflətməsi vacibdir. Biz vəziyyəti izləməyə davam edəcəyik. Prezidentlə xalqımızın müdafiəsini müzakirə etdik – ilk növbədə şəhərlərimizi, insanlarımızı, kilsələrimizi və infrastrukturu qorumaq üçün Amerikanın hava hücumundan müdafiə sistemlərinin alınmasını. Ukrayna bu avadanlığı almağa və Amerika silah istehsalçılarını dəstəkləməyə hazırdır. Avropa kömək edə bilər. Həmçinin, dronların birlikdə istehsalı potensialını müzakirə etdik. Biz bir-birimizi gücləndirə bilərik” – Zelenski yazır.

Bununla yanaşı, Ukrayna Prezidenti Donald Trampa İstanbulda Rusiya və Ukraynanın texniki qrupları arasında aparılan danışıqlar, əsir və həlak olanların mübadiləsi barədə məlumat verdiyini deyib.

Bununla yanaşı, Zelenski liderlərin döyüş meydanındakı vəziyyəti müzakirə etdiklərini bildirib.

“İstanbulda texniki qrupun görüşlərinin necə keçməsi, eləcə də əsir və həlak olanların mübadiləsi barədə prezidentə məlumat verdim. Rusiya öz əsgərlərinin meyitlərini bizə təhvil verib. Hazırda Kiyevdə onların qohumlarının müəyyən edilməsi üçün məhkəmə-tibbi ekspertizaları aparılır.

Döyüş meydanındakı vəziyyətdən danışdıq. Putin əslində qalib gəlmir. Mən prezidentə yerlərdə həqiqətən nə baş verməsi ilə bağlı faktları təqdim etdim. Görüş və dəstəyə görə təşəkkür edirəm. Həmçinin, xalqımız haqqında səmimi sözlərə görə minnətdaram. Biz işləməyə davam edəcəyik” – Zelenski yazır.