Hər gün bizim üçün dəhşətlidir – Zelenski Trampın Putinə verdiyi “50 gün”ə belə münasibət bildirib.

Zelenski bildirib ki, o, Donald Trampın Rusiyaya qarşı sanksiyaları dəstəklədiyinə, xüsusən də Moskvanın sülh razılaşması ilə razılaşmadığı təqdirdə, rus neftini alan ölkələrə potensial 100 faizlik rüsumlara görə çox minnətdardır.

Zelenskinin qeyd etdiyi kimi, Rusiya üçün 50 günlük sanksiya müddəti vaxt və həyat itkisidir, çünki onun sözlərinə əsasən, Putin Trampı aldadır. Ukrayna Prezidentinin sözlərinə əsasən, 50 günlük müddət yalnız iki ay ərzində daha çox ölüm və dağıntı deməkdir.

“50 gün bizim üçün sadəcə dəhşətlidir, hər gün dəhşətlidir” – Zelenski qeyd edib.

Zelenski Rusiya Prezidenti Vladimer Putinin öz amansız müharibəsinə son qoymaq üçün güzəştə getməyə hazır olmadığını, lakin prezident Trampın Rusiyada “sosial partlayışa” səbəb ola biləcək sərt sanksiyaları sürətləndirərək onu diz çökdürmək gücünə malik olduğunu bildirib.