Rusiya atəşi dayandırmaqla bağlı çoxsaylı tələbləri rədd edir və hələlik qətlləri nə vaxt dayandıracağını müəyyənləşdirməyib, bu isə vəziyyəti çətinləşdirir, – bunu sosial şəbəkədə Ukrayna Prezidenti Volodimir Zelenski yazıb.

“Görürük ki, Rusiya atəşi dayandırmaqla bağlı çoxsaylı tələbləri rədd edir və hələlik qətlləri nə vaxt dayandıracağını müəyyənləşdirməyib. Bu, vəziyyəti çətinləşdirir. Əgər onların zərbələri dayandırmaqla bağlı sadə əmri yerinə yetirmək iradəsi yoxdursa, Rusiyanın daha çox şey etməyə, xüsusən də qonşuları ilə onilliklər boyu dinc yaşamağa iradə göstərməsi üçün böyük səy lazım ola bilər. Amma biz hamımız birlikdə sülh və təhlükəsizlik uğrunda çalışırıq. Qətllərin dayandırılması müharibənin başa çatmasının açar elementidir”, – deyə Volodimir Zelenski sosial şəbəkə X-də yazıb və Baltikyanı və Skandinaviya ölkələrinə dəstəyə görə təşəkkür edib.

Bununla yanaşı, Ukrayna lideri Donald Trampa bazar ertəsi Vaşinqtona dəvət etdiyinə görə minnətdarlığını bildirib.

“Vacibdir ki, hamı razılaşır – liderlər səviyyəsində bütün detalların aydınlaşdırılması və hansı addımların zəruri və effektiv olduğunun müəyyən edilməsi üçün danışıqlar aparılmalıdır”, – Zelenski qeyd edib.