Volodimir Zelenski – Ötən gecə Rusiyanın dərinliklərinə endirilən Ukrayna zərbələri Permdəki neft emalı zavodunu zədələyib

“Ötən gecə Rusiyanın ərazisinin dərinliklərinə endirilən Ukrayna zərbələri Permdə yerləşən neft emalı zavoduna ziyan vurub. Zavod sərhəddən 1600 kilometrdən çox məsafədə yerləşir”, – bu barədə Ukrayna Prezidenti Volodimir Zelenski sosial şəbəkədə yazıb.
Perm diyarının qubernatoru Dmitri Makhonin daha əvvəl bölgədə “sənaye obyektinin” zədələndiyini açıqlasa da, söhbətin konkret olaraq hansı müəssisədən getdiyini bildirməyib.

“BBC”nin məlumatına görə, monitorinq kanalları və Ukrayna mediasının mənbələri hücumun “LUKOYL-Permnefteorgsintez” neft emalı zavoduna edildiyini bildirir. Bu məlumat hazırda mövcud xəbərlərlə də uyğun gəlir.

Məlumata görə, bu neft emalı zavodu daha əvvəl də, o cümlədən aprelin sonunda, Ukrayna dronlarının hədəfinə çevrilib.