Volodimir Zelenski – NATO, Yaxın Şərqdə olduğu kimi, Ukraynanın hava məkanında dronları və raketləri vura bilər, lakin müttəfiqlər arasında hələlik bu məsələ ilə bağlı razılıq yoxdur

 
NATO, Yaxın Şərqdə olduğu kimi, Ukraynanın hava məkanında dronları və raketləri vura bilər, lakin müttəfiqlər arasında hələlik bu məsələ ilə bağlı razılıq yoxdur – bu haqda Ukraynanın Prezidenti Volodimir Zelenski bildirib.

Sözügedən bəyanatı Zelenski Kiyevdə səfərdə olan NATO-nun yeni baş katibi Mark Rutte ilə birgə keçirilmiş mətbuat konfransında verib.

Volodimir Zelenski Mark Rutte ilə görüşdən sonra alyans ölkələrinin Ukraynanın hava məkanının qorunması ilə bağlı mövqelərini dəyişəcəklərini gözlədiyini bildirib. Ukraynanın Prezidenti, İsrail və Ukraynanın hava məkanının qorunması arasında prinsipial fərq görmədiyini deyib.

“Bu gün biz Ukraynanın hava hücumundan müdafiə ehtiyacları və qonşular ilə qarşılıqlı fəaliyyət haqqında danışdıq. Xüsusilə də müttəfiqlərin birliyi sayəsində Yaxın Şərqdə insanların həyatını xilas etməyin necə mümkün olduğunu görürük. İran raketlərinin birgə vurulmasının rus raketlərinin vurulmasından, Rusiya və İran rejimlərini birləşdirən İranın “Shahed”lərinin vurulmasından heç bir fərqi yoxdur” – Zelenski bildirib.

Ukraynanın Prezidenti NATO-da bu məsələ ilə bağlı mövqeyin dəyişəcəyinə ümid etdiyini bildirib.

“Bölgəmizdəki tərəfdaşların daha çox qərarı. Bu, rus terroruna son qoymaq üçün lazım olan şeydir. Biz tərəfdaşlarımızı gələcəkdə də əmin etməyə davam edəcəyik” – Ukraynanın Prezidenti bildirib.