Volodimir Zelenski Londonda keçirilən danışıqlar nəticəsində “sülh razılaşması”nın yeni variantının Donald Trampın masasında olduğunu bildirir

Ukrayna Prezidenti Volodimir Zelenski Londonda keçirilən danışıqlar nəticəsində “sülh razılaşması”nın yeni variantının ABŞ Prezidenti Donald Trampın masasında olduğunu bildirir. Zelenski bu barədə Cənubi Afrika Respublikasına səfəri zamanı deyib.

“ABŞ-nin təklifindən sonra başqa sənədlər də ortaya çıxdı və mən düşünürəm ki, bu gün bu format, bu sənəd artıq prezident Trampın masasındadır” – Zelenski bildirib.

Ukraynanın “qırmızı xətt”ləri ilə bağlı Zelenskiyə sual verilib və Ukrayna Prezidenti atəşkəsdən əvvəl bu barədə danışmağın mənasız olması cavabını verib. Lakin, Zelenski yenə də əlavə edib: “Dəyərlərimizə və ya konstitusiyamıza zidd olan hər şey heç bir razılaşmada ola bilməz”.

Bu bəyanatla Zelenski faktiki olaraq Kiyevin Rusiya tərəfindən Krımın ilhaqını tanımaması ilə bağlı mövqeyini təkrarlayıb.