Viktor Orban nəyisə bloklamaq istəyirsə, bunu Ukrayna üçün deyil, Rusiya üçün etməlidir – bu haqda Ukrayna Prezidenti Volodimir Zelenski Kiyevdə Avropa Şurasının Prezidenti Antoniu Koşta və Avropa Komissiyasının Prezidenti Ursula fon der Laien ilə birgə mətbuat konfransında deyib.

Zelenski bildirib ki, dəlilləri var, “Druzhba” neft kəmərinin Rusiya tərəfindən bir neçə dəfə hədəfə alındığını peyk şəkilləri təsdiqləyir.

“Əvvəla, boru kəməri Rusiya tərəfindən məhv edilib. Beləliklə, əgər Orban nəyisə bloklamaq istəyirsə, bunu Ukrayna üçün deyil, Rusiya üçün etməlidir. Bu kəmərin məhv edilməsinin səbəbi biz deyilik. Bizdə şəkillər var. Bu kəməri bir neçə dəfə məhv etdiklərinə dair tərəfdaş ölkələrin peyklərindən hər şeyimiz var. Ona görə də qoy Orban Putinlə enerji atəşkəsi və ya buna bənzər bir şey haqqında danışsın” – Zelenski qeyd edib.