Ukraynanın Prezidenti Volodimir Zelenski müdafiə naziri Rustem Umerovla görüşdən sonra dövlət institutlarında dəyişikliklər barədə bəyanatla çıxış etdi. Xüsusilə, ABŞ-la münasibətlərin dinamikasının yaxşılaşdırılması və müdafiə idarəçiliyində yeni addımların atılması planlaşdırılır.

Volodimir Zelenski həmçinin vurğulayıb ki, ölkə bu il pilotsuz uçuş aparatlarının istehsalı və hərbçilərə onların təminatı sahəsində əvvəlcədən planlaşdırılandan daha yüksək göstəricilərə nail olmalıdır.

“Dövlət institutlarında dəyişikliklər – Ukraynaya ABŞ-la münasibətlərdə daha çox pozitiv dinamika lazımdır və eyni zamanda dövlətimizin müdafiə sahəsinin idarə olunmasında yeni addımlar atılmalıdır. Müvafiq qərarlar yaxın zamanda açıqlanacaq,” – deyə Zelenski “Telegram” kanalında yazıb.