Ukrayna Prezidenti Volodimir Zelenski Danimarkadadır və Danimarkanın Avropa İttifaqı Şurasına sədrliyinin qeyd olunması münasibətilə keçiriləcək mərasimdə iştirak edəcək.

Danimarkanın Baş naziri Mete Frederiksen Zelenskiyə ev sahibliyi edəcək.

Ukrayna Prezidenti həmçinin Avropa Komissiyasının prezidenti Ursula fon der Laien və Avropa İttifaqı Şurasının prezidenti Antonio Koşta ilə görüşəcək. Söhbətin əsas mövzusu Ukraynanın Avropa İttifaqına üzvlüyü olacaq.

Frederiksen mətbuat konfransında “Ukraynanın yeri Avropa İttifaqındadır” deyib və Danimarkanın Ukraynaya Avropa İttifaqına üzvlük yolunda kömək etmək üçün hər şeyi edəcəyinə söz verib.

Danimarka Avropa İttifaqına sədrlik edən ölkə oldu. Kopenhagen altı ay ərzində Avropa İttifaqı Şurasının sədri olacaq.