Ukrayna Prezidenti Volodimir Zelenski noyabrın 25-də Rusiyanın Ukraynaya qarşı 460-dan çox dron və müxtəlif tipli 22 raketdən istifadə etdiyi haqda məlumat verir.

Bu haqda Zelenski tərəfindən sosial şəbəkələrdə dərc edilmiş bəyanatda deyilir.

Zelenski, zərbələrin əsas hədəfinin enerji və mülki infrastruktur olduğunu bildirib.

Prezidentin məlumatına əsasən, hazırda altı nəfərin həlak olduğu və 13 nəfərin yaralandığı bilinir.

“Odessa vilayətində dağıntı var: limanlara, ərzaq təchizatına və infrastruktura zərbələr endirilib, heç bir hərbi təyinatlı obyekt. Həmçinin, Dnepropetrovsk, Xarkov, Çerniqov və Çerkasi vilayətlərinə zərbələr endirilib. Əsas hədəflər enerji və normal həyatı təmin edən hər şey idi. Ruslar aeroballistik raketlər və 460-dan çox dron da daxil olmaqla, ümumilikdə müxtəlif tipli 22 raketdən istifadə ediblər ki, bunların da əksəriyyəti Rusiya-İran “Shahed”ləri olub” – Zelenski yazır.

Ukrayna Prezidenti dörd dronun Moldova və Rumıniyanın hava məkanına keçdiyini bildirib.

“Bütün tərəfdaşlar gündəlik insanların həyatını xilas etməyin zəruriliyini yadda saxlamalıdır. Silah və hava hücumundan müdafiə, eləcə də təcavüzkara sanksiyalarla təzyiq göstərmək lazımdır. Yardım dayandırıla bilməz. Bütün tərəfdaşların birlikdə işləməsi, əlaqələndirilmiş səylərlə diplomatiyaya doğru hərəkət etməsi indi əsasdır. Rusiyaya təzyiq mütləq işləməlidir. Ukraynanı dəstəkləyən hər kəsə təşəkkürlər” – Ukrayna Prezidenti qeyd edir.