Ukrayna Prezidenti Volodimir Zelenski ilə Böyük Britaniyanın Baş naziri Kir Starmer arasında telefon danışığı baş tutub. Volodimir Zelenski bu haqda sosial şəbəkədə yazır.

“Britaniya Ukraynaya təkcə sözlə deyil, həm də real enerji paketləri ilə kömək edir. Artıq qəbul edilmiş qərarları təqdir edirik və ümid edirik ki, hava hücumundan müdafiənin gücləndirilməsi ilə bağlı müzakirəmiz nəticə verəcək” – Zelenski qeyd edir.

Onun sözlərinə əsasən, liderlərin söhbəti diplomatik səy və danışıqlar prosesinə də şamil olunub.

“Əmirliklərdə görüşlər konstruktiv idi və dialoq artıq bu həftə davam edəcək. Ukrayna bu müharibəni mümkün qədər tez bitirmək istəyir və layiqli sülhə nail olmaq üçün 24 saatlıq rejimdə işləməyə hazırdır. Rusiya tərəfdən də eyni dərəcədə hazırlıq olmalıdır” – Zelenski bildirir.