Volodimir Zelenski bildirir ki, Ukrayna və ABŞ nümayəndə heyətləri arasında görüş 21 mart tarixində ABŞ-da keçiriləcək.

Zelenski deyib ki, tərəflər bütün məsələləri müzakirə edəcəklər, o cümlədən üçtərəfli görüşə hazırlıq məsələlərini.

“Biz aydın tarixlər istəyirik, ən azı təxmini tarixlər. Hər kəs başa düşür ki, Yaxın Şərqdəki vəziyyət bu tarixlərin dəyişməsinə təsir göstərir. Bu, üçtərəfli görüşün təxirə salındığı ilk hal deyil. Biz bu məsələ ilə bağlı daha çox detallar istəyirik”, – deyə Zelenski bildirib.

Ukrayna prezidentinin sözlərinə görə, ABŞ tərəfindən Rusiya-ya qarşı tətbiq edilmiş sanksiyaların müvəqqəti ləğvi səbəbindən amerikalı tərəflə sıx dialoqun davam etdirilməsi vacibdir.

“Bütün bunlar bizim üçün risk yaradır, bu Rusiyaya daha çox vəsait deməkdir və sonra cəbhədə onların imkanlarını artıracaq. Bu təhlükəlidir”, – deyə Volodimir Zelenski qeyd edib.