Volodimir Zelenski bildirir ki, ədalətli sülhün bərqərar olması üçün Ukrayna işğal edilmiş əraziləri Rusiyanın mülkiyyəti kimi tanımayacaq və Ukrayna ordusunun sayının azaldılmasına razı olmayacaq

Ukrayna Prezidenti Volodimir Zelenski bildirir ki, ədalətli sülhün bərqərar olması üçün Ukrayna işğal edilmiş əraziləri Rusiyanın mülkiyyəti kimi tanımayacaq və Ukrayna ordusunun sayının azaldılmasına razı olmayacaq.

Zelenski bu barədə Çerniqovda yerli hakimiyyət nümayəndələri ilə görüşündə açıqlama verib.

“Güclü ordumuz prioritetimizdur. Ona görə də bu, qırmızı xəttdir – ordunun ixtisarı yoxdur. Düzünü desəm, biz hər şeyi edəcəyik ki, say baxımından ordu indiki vəziyyətdə qalsın. Müharibənin əvvəlindəki ordudan üç dəfə böyük olan bir ordu. Yalnız modernləşdirilə bilən bir ordu. Bunlar müharibə bitdikdən sonra baş verə biləcək dəyişikliklərdir. Komplektləşdirmə, artırma və modernləşdirmək” – Zelenski bildirib.

Volodimir Zelenski bir daha qeyd edib ki, Ukrayna konkret olaraq ehtiyac duyduğu təhlükəsizlik zəmanətlərini almalıdır. O bildirib ki, Ukrayna NATO kimi tərəfdaşlarla gələcək əlaqələr məsələsini öz gündəmində saxlayacaq.

“Digər geosiyasi məsələlər – bu, Rusiyanın işğal etdiyi ərazilərin Rusiyanın mülkiyyəti kimi tanınmamasıdır. Bu, Ukrayna əraziləridir, bu, bizim üçün əsas qırmızı xəttlərdən biridir. İstənilən halda, bu, müvəqqəti işğal olunmuş ərazilərdir. Bu ərazilər geri qaytarılanda ədalətli sülh yerini tapmış olacaq” – Zelenski qeyd edib.