Ukrayna Prezidenti Volodimir Zelenski bildirib ki, ABŞ Ukraynadan Yaxın Şərqdə ekspert dəstəyi göstərməsini istəyib.

“ABŞ tərəfindən regionun iki ərazisində onların hərbi personalı üçün ekspert dəstəyi tələb olunur. Biz həmçinin regionda yerləşən Avropa tərəfdaşlarımızın tələblərini də müzakirə edirik”, – Zelenski sosial şəbəkədə yazıb.

Onun sözlərinə görə, ukraynalı qruplar artıq beş ölkəyə “Shahed” tipli pilotsuz uçuş aparatlarına qarşı mübarizədə kömək göstərmək üçün fəaliyyət göstərirlər.

“Biz ekspert qiymətləndirmələrini təqdim etmişik və müdafiə sistemlərinin qurulmasına yardım edirik”, – deyə Ukrayna Prezidenti qeyd edib.

Zelenski həmçinin bildirib ki, Ukrayna İran ətrafındakı vəziyyətin sabitləşdirilməsində iştirak etməyə hazırdır və bu, qlobal əhəmiyyətli məsələdir.

Bundan əlavə, Ukrayna Prezidenti Təhlükəsizlik Şurasının katibinə tapşırıq verib ki, Hörmüz boğazında təhlükəsizliyin bərpası ilə bağlı beynəlxalq təşəbbüsləri və ölkələrin sabitləşdirmə missiyalarında iştirak hazırlığını qiymətləndirsin.