Volodimir Zelenski bəyan edir ki, artıq 34 gündür Rusiya açıq şəkildə atəşkəsdən imtina edir

Ukrayna Prezidenti Volodimir Zelenski bildirib ki, artıq 34 gündür Rusiya açıq şəkildə atəşkəsdən imtina edir.

“34 gün əvvəl Ukrayna ABŞ-ın atəşin tam və şərtsiz dayandırılması təklifinə müsbət cavab verdi. Artıq 34 gündür Rusiya açıq şəkildə atəşkəsdən imtina etməyə davam edir. İndi də – illər boyu olduğu kimi – Putin müharibənin davam etdirilməsinə fokuslanıb”, – deyə Ukrayna Prezidenti gündəlik videomüraciətində qeyd edib.

Volodimir Zelenskinin sözlərinə görə, rus dövlət təbliğatçıları öz auditoriyasını danışıqların və diplomatiyanın nəticə verməyəcəyi fikrinə hazırlayırlar.

“Bunun yalnız bir səbəbi var – onlar orada, Moskvada hazırda qorxmurlar. Əgər Rusiyaya kifayət qədər güclü təzyiq göstərilməsə, onlar gələcəkdə də öyrəşdikləri şeyi – müharibəni – davam etdirəcəklər”, – deyə Zelenski əlavə edib.