Gürcüstanda ölkəni Putinin təsiri altına salmaq və onu Avropa yolundan uzaqlaşdırmaq üçün çalışan Rusiyanın nəzarətinə tabe olan mafiya işləyir – bu haqda Ukraynanın Prezidenti Volodimir Zelenski Brüsseldə Avropa İttifaqının sammitində çıxışı zamanı deyib.

Zelenskinin çıxışının mətnini Ukrayna Prezidentinin Ofisi yayır.

Ukraynanın Prezidenti bildirib ki, bütün Avropa ölkələrinin Avropa İttifaqının strukturlarına və NATO-ya üzvlüyü ilə Avropa qitəsinin təhlükəsizliyini təmin etmək olar.

“Mən qitəmizin geosiyasi aydınlığını və iqtisadi təhlükəsizliyini təmin etmək üçün çalışan hər kəsə minnətdaram. Bu, yalnız bütün Avropa ölkələrinin Avropa İttifaqının strukturlarına və əlbətdə, NATO-ya qoşmaq yolu ilə mümkündür. Heç bir demokratik ölkə Birləşmiş Avropa və Alyansdan kənarda qalmamalıdır – bu, Ukrayna, Moldova və Balkan ölkələrinə də aiddir. Təəssüflər olsun ki, Gürcüstanda ölkəni Putinin təsiri altına salmaq və onu Avropa yolundan uzaqlaşdırma üçün çalışan Rusiyanın nəzarətinə tabe olan mafiya işləyir. Tbilisidəki indiki hökumət Avropa İttifaqı ilə əməkdaşlıqdan imtina edir. Mən sizi Gürcüstanın oğurlanmış avropalı gələcəyindən və itirilmiş onilliklərin tərəqqisindən fayda əldə etməsinə imkan verməməyiniz üçün xüsusilə İvanişviliyə və onun dostlarına təzyiq göstərməyə çağırıram. Biz Avropamızda heç bir ölkənin itirilməsinə yol verə bilmərik, çünki birinin süqutu hamımızı parçalanmaya və münaqişəyə yaxınlaşdırar və Moldovanın avropalı seçiminə dəstək göstərilməsi son dərəcə vacibdir və söhbət təkcə seçkilərdən deyil, Moldova xalqının rifahından gedir – o yoxsulluğa qarşı mübarizədə Avropanın gücünü hiss etməlidirlər” – Zelenski bildirib.