Volodimir Zelenski – Amerika nümayəndə heyətinin səfəri üçün artıq konkret tarixlər üzərində işləyirik, nümayəndə heyətinin tərkibini dəqiqləşdiririk və onların gəlişini gözləyirik, birgə iş üçün hazırıq

 
Ukraynanın Prezidenti Volodimir Zelenskinin bəyanatına əsasən, onun komandası cari həftə ABŞ Prezidenti Donald Trampın milli təhlükəsizlik məsələləri üzrə müşaviri və onun Ukrayna məsələləri üzrə əsas nümayəndəsi ilə danışıb.

Bununla yanaşı, Zelenski ABŞ nümayəndə heyətinin səfərinin təşkili üzərində çalışdıqlarını deyib.

“Amerika nümayəndə heyətinin səfəri üçün artıq konkret tarixlər üzərində işləyirik. Nümayəndə heyətinin tərkibini dəqiqləşdiririk və onların gəlişini gözləyirik, birgə iş üçün hazırıq” – Volodimir Zelenski qeyd edib.

Bununla yanaşı, Ukraynanın Prezident Ofisinin rəhbəri Andrey Yermak bununla əlaqədar bəyanat yayıb. Yermak Donald Trampın milli təhlükəsizlik məsələləri üzrə müşaviri Mayk Uolts ilə döyüşlərin gedişatını müzakirə etdiyini bildirib. Ukrayna tərəfinin məlumatına əsasən, onlar Zelenski ilə Trampın görüşünün təşkilinin zəruriliyini də müzakirə ediblər.