Volodimir Zelenski – ABŞ, Ukraynada dronların istehsalını maliyyələşdirmək üçün istifadə olunacaq 800 milyon dollar dəyərində yardım paketi hazırlayır

 
Ukraynanın Prezidenti Volodimir Zelenski ABŞ-ın Ukraynada dronların istehsalını maliyyələşdirmək üçün istifadə olunacaq 800 milyon dollar dəyərində yardım paketi hazırladığını bildirib. Bu haqda Zelenski videomüraciətində deyib.

“Daha bir ayrıca paket hazırlanır – Ukrayna dronlarının istehsalının maliyyələşdirilməsi üçün 800 milyon dollar. Ukrayna bu dəstəyə görə minnətdardır. Bizə dünyada istənilən siyasi təhlükəyə baxmayaraq, Ukraynanın öz suverenliyini və müstəqilliyini qoruya bilməsi lazımdır” – o qeyd edib.

Həmçinin, Zelenski ABŞ-ın müdafiə katibi Lloyd Ostin ilə görüşünə toxunub. Ukraynanın Prezidenti, Ostinlə Ukraynanın “Qələbə planı”nın konkret addımlarını müzakirə etdiyini deyib.