Ukrayna Prezidenti Volodimir Zelenski ABŞ-nin “sülh planı”nda amerikalı həmkarı ilə görüş zamanı müzakirə edəcəyi açıq məsələlərin qaldığını təsdiqləyir. Bu haqda Volodimir Zelenski gündəlik video müraciətində deyib.

Zelenski, Cenevrədən qayıdan komandanın yeni plan haqda məlumat verdiyini və Ukrayna üçün həssas məsələləri Donald Trampın özü ilə müzakirə edəcəyini bildirib. Həmçinin, Zelenski sənədin yenilənmiş versiyasında artıq 28 bəndin olmadığını təsdiqləyib.

“Bu çərçivədə çoxlu düzgün şeylər nəzərə alınıb, lakin yekun sənəd işləyib hazırlamaq üçün hələ də birlikdə üzərində işləməli olduğumuz şeylər var. Dünyanın əksər hissəsinin bizə kömək etməyə hazır olmasını və Amerika tərəfinin konstruktiv əhvali-ruhiyyədə olmasını qiymətləndiririk” – Zelenski deyib.