ABŞ ilə danışıqların yeni raundu fevralın 17-si və 18-də keçiriləcək, ərazi məsələlərini müzakirə edəcəyik – bu haqda Ukrayna Prezidenti Volodimir Zelenski “Bloomberg”ə müsahibəsində deyib.

Ukrayna Prezidenti ABŞ-nin danışıqların daha bir raundunun keçirilməsi haqqında təklifini aldığını, lakin Rusiya nümayəndə heyətinin ona qoşulub-qoşulmayacağını bilmədiyini qeyd edib.

Zelenskinin sözlərinə əsasən, bu görüşün gündəliyinə ərazi məsələləri, ilk növbədə ABŞ-nin Donbassda azad iqtisadi zona yaratmaq təklifi olacaq. Zelenski qeyd edib ki, münaqişənin hər iki tərəfi bu varianta şübhə ilə yanaşır.

“Heç bir tərəf azad iqtisadi zona yaratmaq ideyasını dəstəkləmir – nə ruslar, nə də biz. Bu məsələ ilə bağlı fərqli baxışlarımız var. Və biz bir sonrakı barədə razılığa gəldik: sonrakı görüşdə bu məsələyə bunun necə ola biləcəyi baxışı ilə qayıdacağıq” – Ukrayna Prezidenti bildirib.

Zelenski ABŞ-dan bu zonaya kimin nəzarət edəcəyi ilə bağlı mövqeyini açıq şəkildə bildirməsini tələb edir.

“Əgər bu bizim ərazimizdirsə və bu bizim ərazimizdir, onda o, aid olduğu ölkə tərəfindən idarə olunmalıdır” – Zelenski bildirib.

Bununla yanaşı, Zelenski bildirib ki, danışıqlar aparan qruplar iqtisadi məsələləri müzakirə edə bilərlər və bu məqsədlə nümayəndə heyətinə iqtisadiyyat naziri Aleksey Sobolev də daxil ediləcək.