Volodimir Zelenski 2026-cı ilin sonunadək Ukraynanın “Patriot” tipli hava hücumundan müdafiə sistemləri üçün raket istehsal etmək qabiliyyətinə malik olacağını fərz edir

Ukrayna Prezidenti Volodimir Zelenski 2026-cı ilin sonunadək Ukraynanın “Patriot” tipli hava hücumundan müdafiə sistemlərinə raket istehsal etmək üçün texniki imkan əldə edəcəyini fərz edir. Zelenski bu barədə “Cənub-Şərqi Avropa-Ukrayna” sammiti çərçivəsində jurnalistlərlə söhbəti zamanı deyib.

Ukrayna Prezidentinin sözlərinə əsasən, hazırda “Patriot” istehsalı üçün lazım olan lisenziyaların alınması istiqamətində iş gedir.

“Gözləyirik ki, 2026-cı ilin sonunadək Ukrayna komandasının Amerika raketlərini istehsal etmək üçün texniki imkanı olacaq. Demək istəyirəm ki, Amerika raketləri bizim öz gücümüzlə istehsal olunacaq. Avropa antiballistik sisteminə “Freya” layihəsi deyirik. Niyə? Çünki Ukrayna bu sistem üçün buraxılış qurğusu və raket yaradır. Bu, sistemin ürəyidir, lakin bizdə digər komponentlər çatmır, ilk növbədə isə müxtəlif mühüm radarlar. Hazırda məhz bu istiqamətdə qıtlığımız var” – Ukraynanın lideri bildirib.

Məlumat üçün bildirək ki, iyulun 8-də NATO sammiti çərçivəsində keçirilən görüş zamanı ABŞ Prezidenti Donald Tramp Birləşmiş Ştatların Ukraynaya “Patriot” tipli raketlərin istehsalı hüququnu verəcəyini bildirmişdi.

Daha sonra Zelenski qeyd edib ki, Trampla lisenziya barədə əldə olunmuş siyasi razılaşmadan sonra, bunun praktikada reallaşdırılması üçün texniki işlərə başlanılmalıdır.