Vladimir Zelenski – Ukrayna və Rusiya arasında kompromislərə dair yekun qərar Ukraynada keçiriləcək ümumi referendumda veriləcək

“Ukrayna ilə Rusiya arasında kompromislərə dair yekun qərar Ukraynada təhlükəsizlik təminatları, habelə müvəqqəti olaraq işğal olunmuş Donbas və Krım əraziləri ilə bağlı ümumi referendumda veriləcək”, – Ukrayna prezidenti Vladimir Zelenski müsahibəsində deyib.

“Cavab çox sadədir. Biz artıq hər şeyi başa düşürük. Bizi NATO-ya qəbul etmirlər, çünki Rusiyadan qorxurlar. Hamısı budur. Sakitləşməliyik, “yaxşı, başqa təhlükəsizlik zəmanətləri” deməliyik. Təhlükəsizliyin təminatçısı olmaq istəyən NATO ölkələri var ki, onlar təəssüf ki, bizim Alyansa 100% üzv olmağımızı təmin edə bilmir, lakin biz Alyansın üzvü olsaydıq, NATO-nun etməli olduğu hər şeyi etməyə hazırdırlar. Düşünürəm ki, bu, normal kompromisdir”, – Zelenski bildirib.

Zelenskinin sözlərinə görə, təhlükəsizlik təminatları məsələləri Ukraynanın konstitusiya dəyişikliklərində və qanunvericiliyində dəyişikliklərdə müzakirə olunacaq.

“Mən bütün danışıqlar qruplarına izah edirdim: siz bu dəyişikliklərdən danışanda onlar tarixi ola bilər, biz heç yerə getmirik, referenduma gedirik. İnsanlar bu və ya digər kompromis formatını deməli və cavab verməlidir. Və onlar necə olacaqlar – bu, artıq bizim Ukrayna ilə Rusiya arasındakı söhbətimiz və anlaşmamız məsələsidir. Ona görə də hər halda, əgər mənim addımım xalqla olacaqsa, hər şeyə getməyə hazıram”, – deyə Vladimir Zelenski bildirib.