Bəzi ölkə qlobal proseslərə nəzarət etməyə çalışır, – bu barədə Rusiya prezidenti Vladimir Putin bəyan etdi.

Vladimir Putinin sözlərinə görə, bəzi dövlət dünya səhnəsində dominantlığın itirilməsi ilə barışmağa hazır deyil və ədalətsiz birqütblü modeli saxlamağa çalışır.

“Onlar üzdəniraq aydaya əsaslanan nizam və digər şübhəli anlayışlar adı altında qlobal prosesləri öz mülahizələri ilə idarə etməyə və istiqamətləndirməyə çalışırlar. Onlar qapalı bloklar və koalisiyalar yaratmaq kursunu götürür, yalnız bir ölkənin – ABŞ-ın xeyrinə qərarlar qəbul edirlər. Beynəlxalq münasibətlərdə digər aktorların təbii hüquqlarına məhəl qoyulmur və təhlükəsizliyin ayrılmazlığının əsas prinsipi seçmə şəkildə izah edilir. Qərbin suveren dövlətlərə qarşı tətbiq etdiyi birtərəfli qeyri-qanuni sanksiyalar indiyədək görünməmiş həddə çatdı. Bir ölkənin və ya bir qrup ölkələrin dünya miqyasında hökmranlığı məhsuldar olmamaqla yanaşı, həm də təhlükəlidir və istər-istəməz genişmiqyaslı, sistemli risklər yaradır”, – Vladimir Putin bəyan etdi.

Rusiya prezidenti həmçinin qeyd edib ki, sanksiyalar və müqavilələrin məhv edilməsi qlobal hüquq sisteminin mahiyyətini şübhə altına alır.