Seçki kampaniyası zamanı Gürcüstana gəlmək istəmirdim, çünki bu, müdaxilə cəhdi kimi qəbul ediləcəkdi – bu haqda Avropa İttifaqı Şurasının sədri olan ölkənin, Macarıstanın Baş naziri Viktor Orban Gürcüstanın Baş naziri İrakli Kobaxidze ilə keçirilən birgə birifinqdə deyib.

Orban bildirib ki, o, seçkilərin nəticələrinin açıqlanmasını gözləyib, bundan sonra da Gürcüstana gəlmək qərarını verib.

“Seçki kampaniyası zamanı Gürcüstana gəlmək istəmirdim, çünki bu, bizim müdaxilə cəhdimiz kimi qəbul ediləcəkdi. Nəticələri gözlədik və sonra Tbilisiyə gəlmək qərarını verdim, bunun üçün baş nazirə seçkilərdən sonra dəvətə görə minnətdaram” – Viktor Orban bildirib.

Avropa İttifaqı Şurasının sədri olan ölkənin baş naziri Macarıstanın xarici işlər və ticarət naziri Piter Siiarto, iqtisadi inkişaf naziri Marton Nadi, maliyyə naziri Mixai Varqa və dövlət katibi İanoş Matenin olduğu hökumət nümayəndə heyəti ilə birlikdə Gürcüstana dünən səfər edib.

Hökumət Administrasiyasında Avropa İttifaqı Şurasının sədri olan ölkənin, Macarıstanın Baş naziri Viktor Orbanın bu gün rəsmi qarşılanma mərasimi keçirilib.