Macarıstanın Baş naziri Viktor Orban Rusiyadan NATO ölkələri üçün real hərbi təhlükə görə bilmir, çünki o, Ukraynada arzuolunan məqsədə çata bilməyib, lakin eyni zamanda Orban deyir ki, Ukrayna “müharibəni uduzur”.

Orban, Fransa mediasına müsahibəsində Rusiya-Ukrayna müharibəsinin qlobal formata çevrilməsindən qorxmadığını deyib.

“Ruslar bunun üçün çox zəifdirlər. Onlar hətta Ukraynanı belə məğlub edə bilmirlər, ona görə də həqiqətən NATO-ya hücum edə bilməzlər” – Orban deyir.

Eyni zamanda o, Ukraynanın “müharibəni uduzduğunu” və ehtimal ki, buna son qoymaq üçün real danışıqların Rusiya ilə Amerika Birləşmiş Ştatları arasında aparılacağını bildirib.

“Nə Avropa, nə də Ukrayna Rusiya ilə razılaşmaya nail ola biləcəklər. Ukrayna ona görə ki, müharibəni uduzur, Avropa isə ona görə ki, həddən artıq cəlb olunub. Bu, ruslarla amerikalılar arasında razılaşma olmalıdır” – Macarıstanın Baş naziri bildirib.