Əgər kiminsə 1%-dən çox iqtisadi artımı varsa, bu, böyük nailiyyətdir. Bundan irəli gələrək, sizin 7%-lik artımınız qalaktik hadisədir. Mən bilirəm ki, bu, həqiqətən sizin səylərinizin ən böyük nəticəsidir -Macarıstanın Baş naziri Viktor Orban Gürcüstan-Macarıstan Hökumətlərarası Komissiyasının ikinci iclasında Gürcüstanın Baş naziri İrakli Kobaxidzeyə bu sözlərlə müraciət edib.

Viktor Orban, Macarıstan üçün Gürcüstanla əməkdaşlığın böyük şərəf olduğunu deyib.

“Hökumətlərarası sammit sıx əməkdaşlıq formatıdır. Belə dostluq əlaqələrimizin olduğu və bu formatda əməkdaşlıq etdiyimiz cəmi iki-üç ölkə var. Bu formatda müxtəlif nazirliklər arasında əməkdaşlıq məsələlərini müzakirə edirik və bu, ayrı-ayrı nazirliklərin deyil, bütövlükdə, bütün hökumətin hökumətimizlə əməkdaşlıq etməsinə işarədir. Bu, praktikamızda nadir hadisədir və demək istəyirəm ki, Gürcüstanla, sizinlə əməkdaşlıq, cənab baş nazir, bizim üçün çox böyük şərəfdir, ilk növbədə ona görə ki, macarlar tarixə hörmət edirlər və möhtəşəm tarixiniz var. Sizin xristian tarixi bizimkindən çox daha böyükdür. Sizinlə əməkdaşlıq etmək böyük şərəfdir, çünki hər iki ölkə azadlığı sevirik. Mən vətəni sevirəm, öz ölkəmlə fəxr edirəm — belə ifadələr artıq Qərbdə utanc hesab olunur və artıq istifadə olunmur, lakin biz yenə də bu sözləri deməyi sevirik və bu ifadələrə qarşı eyni hissləri və duyğuları olan qonaqlara məmnuniyyətlə ev sahibliyi edirik. Sizin səfəriniz ölkənizdə əldə etdiyiniz nəticələrə görə bizim üçün böyük imtiyazdır. Avropa iqtisadiyyatı indi çox zərər görür. Əgər kiminsə 1%-dən çox iqtisadi artımı varsa, bu, böyük nailiyyətdir. Bundan irəli gələrək, sizin 7%-lik artımınız qalaktik hadisədir. Mən bilirəm ki, bu, həqiqətən sizin səylərinizin ən böyük nəticəsidir. Sizi Macarıstanda salamlamaq və qonaq etmək hər zaman böyük şərəfdir” – Macarıstanın Baş naziri bildirib.