Gec-tez Brüssel də həqiqətlə üz-üzə qalmalı olacaq: Ukrayna bizi gücləndirmir, əksinə zəiflədir, – bunu Macarıstanın baş naziri Viktor Orban bəyan edib.

Onun sözlərinə görə, mövcud kurs davam edərsə, Avropanın iqtisadiyyatı məhv olacaq.

“Gec-tez Brüssel də həqiqətlə üz-üzə qalmalı olacaq: Ukrayna bizi gücləndirmir, əksinə zəiflədir. Əslində, bu belə davam edərsə, Avropanın iqtisadiyyatını məhv edəcək. Amerikalılar daha çox sağlam düşüncəyə malikdirlər. Əgər Tramp 2022-ci ildə prezident olsaydı, müharibə başlamazdı. Biz indi elə bir nöqtəyə gəlib çatmışıq ki, onlar yazılı saziş imzalayıblar və Ukrayna ərazisinə qoşun göndərməyə və yerləşdirməyə hazırdırlar. Bu Avropa rəhbərliyi ilə kursu dəyişmək, geri çəkilmək və ya bu çıxılmaz vəziyyətdən çıxmaq mümkün deyil. Sağlam düşüncəsi olan hər kəs – və bizdə bu var – bu müharibəyə qoşulmaz. Sağlam düşüncəsi olan hər kəs – və bizdə bu var – öz ölkəsini müharibə iqtisadiyyatına çevirməz. Biz buna qoşulmayacağıq və seçkilərə hazırlaşacağıq”, – deyə Orban bildirib.

Macarıstanın baş nazirinin sözlərinə görə, qlobal siyasət qeyri-sabitlik, qeyri-müəyyənlik və təhlükə dövrünə daxil olub və Avropa buna hazır deyil.

“Liberal beynəlxalq nizam bizim gözlərimiz önündə dağılır. Prezident Tramp dönüş yaradıb. Dəyişikliklər yenidən təşkilatlanma, qeyri-müəyyənlik və təhlükə gətirir. Növbəti illərdə bizi məhz bunlar gözləyir”, – deyə Orban qeyd edib.