Macarıstan Gürcüstanın suverenliyini təkcə ikitərəfli münasibətlər çərçivəsində deyil, həm də Avropa İttifaqının ərazisində də qətiyyətlə müdafiə edir – bu barədə Macarıstanın Baş naziri Viktor Orban Gürcüstanın Baş naziri İrakli Kobaxidze ilə birgə mətbuat konfransında deyib.

Viktor Orban bildirib ki, Brüsselin nə düşünməsindən asılı olmayaraq, Macarıstan Gürcüstanın Avropa İttifaqına doğru gedən yolda qətiyyətlə irəliləməsi üçün hər şeyi edəcək.

“Biz hər zaman özümüzü Gürcüstanın müttəfiqi kimi hiss edirik və suverenliyini, müstəqilliyini qorumaq üçün Gürcüstanın mübarizə apardığı bütün döyüşlərdə Avropa İttifaqı qarşısında Gürcüstanı təmsil edirik. Brüsselin nə düşünməsindən asılı olmayaraq, Avropa İttifaqına doğru gedən yolda qətiyyətlə irəliləməsi üçün Gürcüstana kömək etmək üçün hər şeyi edəcəyimizlə razılaşırıq” – Viktor Orban bildirib.

Sinxron tərcüməyə əsasən hazırlanıb.