Macarıstanın Baş naziri Viktor Orbanın sözlərinə görə, Avropa İttifaqı üzv dövlətlərdən topladığı büdcənin böyük hissəsini Ukraynadakı müharibənin maliyyələşdirilməsinə xərcləyir.

Macarıstan Baş naziri sosial şəbəkədə yazıb ki, bu, dağıntıya aparan yoldur və Avropanın iqtisadiyyatı dərin böhrandadır.

“Brüsselin öz pulu yoxdur. O, bizim pulumuzu, üzv dövlətlərin pulunu Ukraynadakı müharibənin maliyyələşdirilməsi üçün istifadə edir. Avropa İttifaqının növbəti büdcəsinin 20%-dən çoxu Ukraynaya ayrılmalıdır, halbuki Avropanın iqtisadiyyatı dərin problemlərdədir. Müharibəni borclar və vergilərin artırılması hesabına maliyyələşdirmək strategiya deyil — bu, dağıntıya aparan yoldur. Sülh vaxtıdır, Avropanın bərpası vaxtıdır!” – deyə Macarıstan hökumət başçısı yazır.