Viktor Orban bildirib ki, Macarıstan və ABŞ iqtisadi əməkdaşlıq paketi haqqında razılığa gələcəklər

Macarıstanın Baş naziri Viktor Orban bildirib ki, Macarıstan və ABŞ ölkə iqtisadiyyatına kömək edəcək və ABŞ-ın tariflərinin təsirlərini potensial olaraq geri qaytaracaq iqtisadi əməkdaşlıq paketi üzərində razılaşacaqlar. Bu barədə Reuters xəbər verir.

Macarıstanın baş nazirinin sözlərinə görə, belə bir iqtisadi razılaşma ABŞ və Avropa İttifaqı arasında ticarət müharibəsi başlasa belə, Macarıstana kömək edəcək.

“Avropa İttifaqına üzv olan bütün ölkələr kimi Macarıstan da ticarət müharibəsində zərər görəcək”. “Hələ bunun miqyasını bilmirik, amma bunun baş verəcəyinə əmin ola bilərik.” – Orban Macarıstan Ticarət və Sənaye Palatasının illik konfransında bildirib.

Orbanın qeyd etdiyi kimi, Macarıstanın Vaşinqtonla razılığa gəlmək üçün yaxşı şansı var.