ABŞ və Macarıstan arasında münasibətlər yeni qızıl dövrdədir. Siyasətdə təxminən 30 ildirəm və bu iki xalq arasında münasibətlərin nə vaxt belə yüksək səviyyədə, bu qədər balanslı və bu qədər dostcasına olduğunu xatırlamıram, – bunu Macarıstanın baş naziri Viktor Orban bəyan edib.

Orban ABŞ dövlət katibi Marco Rubio ilə birgə mətbuat konfransında Donald Trump-a təşəkkürünü bildirib.

“Ötən ilin yanvarından etibarən Macarıstanda 17 Amerika investisiyası ilə bağlı qərar qəbul edilib. Bu, onilliyin rekordudur. Macarıstan vətəndaşları hələ də ABŞ-a vizasız səyahət edə bilirlər və buna görə xarici işlər nazirinə təşəkkür edirik. Macarıstan yeni yaradılmış “Sülh Şurası”na dəvət olunub. Şuranın ilk iclası cari həftə, ehtimal ki, cümə axşamı Vaşinqtonda keçiriləcək və orada Macarıstanı mən təmsil edəcəyəm. Energetika sektorunda – neft, qaz və nüvə enerjisini əhatə edən – mühüm razılaşmalar imzaladıq. Bu razılaşmalar, ABŞ prezidentinin Macarıstana verdiyi istisna ilə birlikdə, Rusiya qazı və neftinin Macarıstanda istifadəsinə imkan yaradır. Beləliklə, bu addımlar Macarıstanın enerji təchizatı baxımından təhlükəsiz qalmasına töhfə verir”, – deyə Orban bildirib.